USC naglawig na's semis sa CESAFI volleyball event

CEBU, Philippines - Gipalapdan og maayo sa kanhi two-time men's champion University of San Carlos (USC) ang ilang dalan paingon sa semifinal round human gipilde ang University of the Visayas (UV) sa Cebu Schools Athletic Foundation Inc. (CESAFI) volleyball tournament niadtong miaging adlaw diha sa USC-main gym.

Ang USC ni coach Norvie Labuga mipukan sa UV sa upat ka sets, 26-24, 25-19, 25-27, 25-23.

Sa laing bahin, ang University of Southern Philippines Foundation (USPF), yano kaayo mipukan sa University of Cebu (UC) sud sa straight sets, 25-11, 25-19, 25-16.

Milansang sab og daog ang Cebu Institute of Technology-University (CIT-U) human gipanitan ang Cebu Doctors' University (CDU) 25-16, 25-21, 25-22.  - BANAT NEWS