CEBU, Philippines - Duha ka titulo ang nadaog ni Mark Capoy sa 7th leg sa Honda One Make Race Underbone Circuit Race niadtong Domingo didto sa Kartzone sa Panagdait sa Brgy. Mabolo, ning siyudad.
Si Cacoy sa Skut Garage racing team naghari sa All Automatic/Honda beat ug sa 125cc. super stock beginners.
Nagsunod ni Cacoy sa all automatic/honda beat class mao si Lyndon Requilme sa Team Mac, Pete Gjengaar sa Cyrus Racing ug kanhi Rider of the Year Gary Cañeda. Samtang sila si Jeslovic Vega, Julieto Espra ug Richard Calmill maoy mipahiluna sa ikaduha, ikatulo ug ikaupat nga dapit sa 125cc super stock beginners.
Wala hinuon magmahay si Vega kay siya man ang mikampiyon sa 110 super stock uban sa iyang runners-up nga sila si Capoy ug Espra.
Si Mario Borbon sa X-racing maoy miangkon sa titulo sa 125 novice class, gisundan nila ni Cañeda ug Peter Gjengaar alang sa ikaduha ug ikatulong luna.
Pakyas si Borbon paglansang og double championship human siya mapilde ni Cañeda sa 100-110 novice class, si Gjengaar mipahiluna gihapon sa ikatulo nga dapit. (BANATNEWS)