CEBU, Philippines - Milampos ang Los Amigos Basketball Association (LABA)-Violet pagpukan sa UTASSCO Utility-Blue, 67-56 aron pagsakmit sa titulo sa 2009 LABA Inter-Color basketball tournament niadtong miaging gabii diha sa Banilad Sports Center sa barangay Banilad, dakbayan sa Mandaue.
Wala kaayo makasinati og kalisud ang LABA-Violet bisan og miaksiyon og gukod ang UTASSCO-Blue tungod kay nakapundo kini'g 17 puntos nga bentaha sa halftime, 42-25.
Migukod ang UTASSCO-Blue sa third period ug ilang napahakan ang labaw sa LABA-Violet ngadto na lang sa single digit, 45-54 paingon sa final period.
Si Glen Jakosalem, kinsa maoy nidaog sa MVP trophy maoy topscorer sa LABA-Violet pinaagi sa iyang 17 puntos, gisundan ni Paulo Abenasa nga adunay 11 puntos.
Si Arnold Pestaño miposa og 19 puntos aron pangulohan ang UTASSCO-Blue ni team owner Atty. Flor Yosores.
Sa sayo pa, ang Pink team mipukan sa Green team sa iskor nga 73-64 aron sa pagpahiluna sa ikatulong dapit.
Si Cesar Lee, usa sa mga founders sa LABA, maoy nangunay og tunol sa mga tropeyo
PUNTOS MATAG USA
Unang duwa:
Pink (73) - Adlawan 24, Sabal 10, Orcullo 6, Ranile 6, Inocando 6, Cortes 3, Gerzo 2, Cane 1
Green (64) - Bellagantol 14, Chavez 12, Awe 8, Bercede 4
Ikaduhang duwa:
LABA-Violet (67) - Jakosalem 17, Abenasa 11, Pane 8, Alino 7, Tuazon 6, Colis 6, Butad 5, Tayag 5, Cruz 2, Unabia 1
UTASSCO-BLUE (56) - A. Pestano 19, Jacalan 10, Pestano 9, Magale 7, Auman 4, Cardosa 2, Seno 2, Lisondra 1 (BANATNEWS)