CEBU, Philippines - Gilupig sa puwersa sa Powerfloor ang higpit nga kaatbang Bio-Fresh, 77-70 aron pagsakmit sa kampiyonato sa United Architects Basketball Club (UABC) Season 3 “2nd Davies Cup” sa CEC gym.
Ang sentrong si Antonio “Jay-R” Decatoria mipauwan og 22 puntos uban ang 13 ka rebounds ug duha ka steals nga maoy nahimong yawi pagkutlo sa iyang ikaduhang sunod-sunod nga Finals MVP.
Wala sab maghinan-aw si Buck Richnold Sia , kinsa mipakita sab sa iyang kamangtas dihang miabuno kini og 18 puntos ug 18 ka rebounds, si Lord Ong miamot og 15 puntos ug milangkat og walo ka rebounds, samtang si Klein Baladya mitampo og 14 puntos uban ang unom ka rebounds ug duha ka assists alang sa Powerfloor .
Ang sinaligang pointguard nga si Criz Matunog maoy nangulo sa Bio-Fresh nga miburak og 31 puntos ug milangkat og pito ka rebounds.
Sa sayo pa, ang Sun & Rain mipukan Megacryl sa iskor nga 89-79 aron pagpahiluna sa ikatulong dapit.
PUNTOS MATAG USA
Unang duwa:
Sun & Rain (89) - Cinco 31, Anino 13, Alberto 9, Villacorta 9, Partosa 8, Emboy 8, Perilla 7, Branzuela 4
Megacryl (79) - Pepito 18, Vidal 16, Lumayag 15, Abellana 15, Badayos 11, Bonjoc 4
Ikaduhang duwa:
Powerfloor (77) - Decatoria 22, Sia 18, Ong 15, Baladya 14, Tan 6, Mayo 2
Bio-Fresh (67) - Matunog 31, Sesbreño 14, Cabigas 10, Villarin 8, Cabigas 4, Tan 3 (Yoyo R. Abayan) (BANAT NEWS)