Cebu - Paningkamotan sa mga sakop sa Cebu Blue Marlins Swim Club nga mokabkab og bulawan sa 2nd Iloilo City Dinagyang Age-Group Swimfest nga sugdan karong adlawa didto sa Iloilo Sports Complex sa Lapaz, Iloilo City.
Mayoriya sa mga swimmers sa CBM naggikan sa University of Cebu nga adunay 16. Tulo gikan sa Cebu Eastern College ug Asian Learning Center ug tagsa sa FBC Christian Learning School, Labangon ug Guadalupe Elementary School ug 3H Childhood Academy.
Mga swimmers sa UC naglangkob nilang Isaias Gabunada, Gian Paolo Bagano, Seth Lemuel Bacus, Trina ug Noel Caneda, Chargen Bautista, Michael ug Paula Abigail Vega, Jose Pantaleon, Christine Indaya, Romylyn Ignacio, April Mhel Angelie Garcia, Jerose Rosada, Joyce Huguete, Norie Joy Long ug Aimee Sanchez.
Sa CEC mao ang managsuong Anthony II, Lyh Ann ug Anthony Linn Navarro, samtang ang ALC moparada ni Rhys Michael , Rian Michael ug Renan Gabriel Tapang.
Ang ubang pambato sa CBM mao sila si Michael Ichiro Kong sa FBC, Kristina Angelika Torres sa 3HCA, Karen Mae Indaya sa Labangon ug Israel Gabunada sa Guadalupe.
Ang CBM mitapos sa ikaupat sa overall atol sa unang pagpahigayon sa maong kompetisyon. – BANAT NEWS