3 ka Bobcats mo-debut karon batok Pistons
Cebu - Tulo ka bag-ong players sa Charlotte Bobcats kinsa nalambigit sa usa ka trade, moduwa na karon batok sa Detroit Pistons.
Sila mao si Raja Bell, Boris Diaw ug Sean Singletary moduwa karon batok sa Pistons matod pa ni coach Larry Brown.
Ang tulo ka players gikan sa Phoenix Suns.
Ang Suns mipadala nila ni Bell, Diaw ug Singletary ngadto sa Charlotte kaniadtong Miyerkoles alang ni Jason Richardson, Jared Dudley ug alang sa usa ka second round draftee sa 2010.
Sa dili pa makigsangka ang Bobcats moduwa didto sa Dallas kagabii , si Brown nagkanayon nga, ang tulo ka players kinahanglan nang magsul-ob ug uniporme sa Bobcats kung mopasar na sila sa physical examinations karong adlawa.
“I spoke to everybody, and I think the guys from Phoenix are excited about coming,” matod pa ni Brown. “They’re all good guys and will add something to our ballclub.” dugang pamahayag ni Brown.
Si Raymond Felton maoy mihulip kang Richardson sa shooting guard position.
Si Richardson maoy leading scorer sa Charlotte karon nga season diin nag-average siya ug 18.7 points matag duwa. - Gabby G. Malagar (BANAT NEWS)
- Latest
- Trending
