Ang Casino Español de Cebu Inc. mopahigayon og 20 ka adlaw’ng Summer Recreational Tennis Clinic alang sa beginners ug sa intermediates.
Ang clinic nga bukas niadtong mga batan-on nga nag-edad og unom ngadto sa 18 anyos sugdan karong Marso 27 ug pagatapuson sa Abril 18.
Ang training sessions himuon gikan sa alas-7:00 hangtod sa 8:45 sa buntag alang sa beginners ug alas-9:00 hangtod sa alas-10:30 sa buntag alang sa intermediates.
Aduna kini registration fee nga P1,000 libre na niini ang t-shirt.
Ang retiradong Army Col. nga si Jun Teves, kinsa nakakompleto og short course sa tennis coaching program gikan sa USPTA, ITF ug PHILTA maoy mopahigayon sa coaching job.
Alang sa dugang mga kasayoran kalabot sa Summer Recreation Tennis Clinic, mahimong motawag sa Casino Español sa (032) 253-1260 o dili ba ni Col Jun Teves sa 0917-9038804.