Drag race sa SRP karon

Ang labing kusog nga drag racer sa nasud nga si David Lim maoy mangulo karong adlawa sa opening ceremony diin siya moapil sa time trial run sa Mayor Tomas Osmeña Cup VI National Drag Race Competition nga sugdan karong alas-9:00 sa buntag diha sa South Road Properties (SRP).

Si Wenwen Dayonon, kinsa mao sab ang labing kusog   sa habig sa babaye mopakita sab og aksiyon uban ni Lim ug makiglumba batok sa Class A riders gikan sa Bacolod, Iloilo ug Cebu.

Sugdan sab ni defending Class D champion Christine Velasco ang pagpanalipod  sa iyang titulo sa night race sa maong kalihukan karong alas-8:00 sa gabii.

Ang uban mga lumba himuon ugma.

Mipaluyo sa maong kompetisyon nga adunay unom ka kategoriya mao ang Castrol Edge, Smart, Standard Insurance Corporation, Pagcor ug Sunpride Foods pinaagi ni John Wong.