Maagang siniguro ng Cebuanos ang kanilang panalo sa tulong nina Jessie Lumantas at Bong Marata na umiskor ng 10-puntos sa opening canto tungo sa13-point lead, 31-18.
Sumandal ang Mail & More kina Ernani Epondulan at Axel Doruelo para bahagyang makalapit sa halftime, 38-48.
Tuwing magtatangkang humabol ang MayniLA sa ikatlong quarter, kumakana ng mahahalagang puntos si Marata habang nagtala naman si Woodraw Enriquez ng dalawang triples para sa 72-61 ka-lamangan ng M. Lhuillier patungo sa ikaapat na quarter.
Isang 13- 0 blitz ang pinakawalan ng Cebu sa bungad ng final canto sa pangunguna nina James Laygo at Bruce Dacia para sa 85-61 tungo sa tagumpay ng tropa ni Coach Raul Alcoseba.
Sa labanan para sa third place, naisubi ng Sulpicio Lines-Adamson ang kanilang unang tropeo sapul nang sumali sa liga noong nakaraang season matapos igupo ang Spring Cooking Oil-San Pablo 7-Lakers, 81-79.