Montana naka-3 na

CEBU City – Nakabawi ang Regent-Shark at Blu All-Purpose sa pamamagitan ng impresibong panalo kontra sa magkahiwalay na kalaban habang naitala naman ng Montana Pawnshop ang kanilang ikatlong sunod na panalo kahapon sa PBL-CBF Dual Meet sa University of San Carlos gym dito.

Naging matatag ang Regent-Shark sa final quarter upang itakas ang 67-65 panalo kontra sa Cebuana Lhuillier habang nakabangon ang Blu All-Purpose sa kanilang dalawang su-nod na kabiguan matapos ang 81-61 pamamayani kontra sa Casino Rubbing Alcohol.

Gumawa naman ng kabayanihan sina Jam Alfad at Gary David sa huling maiinit na sandali ng labanan upang ihatid sa 78-75 panalo ang Montana kontra sa Sky-go Riders para mapanatili ang kanilang hawak sa liderato.

Ang Regent-Shark ay umangat sa 2-1 panalo-talo habang ang Lhuillier at GMC-Tortillos ay tabla sa 1-1.