Scope and limitation

Kini ang usa sa mga bahin nga atong gikinahanglan labina kun maghisgot kita og thesis writing. Kini aron diha sa pagduki duki mas makapokus ang nagsulat niini.

Kay kun walay limitasyon basin asa padulong ang sulaton sa naghimo sa maong research.

Ingon ini usab ang atong paggambalay sa laraw sa atong kinabuhi.

Dili mahimo nga pasagad lang og laraw. Dili lang nga pasagad pud og kuyog o pagdawat og mga tawo nga mokuyog sa imong kawsa.

Kay daghang mga organisasyon nga nabungkag tungod kay gikuyogan kini og mga sayop nga mga tawo nga dunay mga sayop nga mga panghunahuna ug baruganan.

Adunay uban nga niapil sa panaw sa imongkawsa dili tungod kay pabor sila niini kondili tungod kay may kaugalingon silang tinguha nga mamintaha.

Mahimo kining mahitabo diha sa politika o bisan gani diha sa relihiyon.

Aduny mga lideres nga mohimo og mga lakang ug mga desisyon segun sa ilang tripping ug dili segun sa panginahanglan sa kadaghanan.

Gikinahanglan gyud ang scope and limitation aron sa ingon dili mausik ang enerhiya nga atong magamit diha sa pagpanlimbasog. Putting the right people for the right place mao ang gikinahanglan ning mga panahona. Maingon nga ang Germany alang sa mga Germans.

Mahimong makiglambigit kita sa uban apan wala kini magpasabot nga ilang sudlon ang atong pribadong luna. Ang pribadong luna alang sa mga pribadong mga tawo nga nanag-iya niini.

Kun kini ang gihimo sukad pa kaniadto wala untay kagubot ug kapintas nga mahitabo labina kun ang matag usa maantigong motahud sa luna ug limitasyon sa matag tawo, relihiyon ug kultura. Deus Vult!