Gustong papirmahon og prenuptial agreement

Dear Atty. Divine,

Ang akong sister adunay karelasyon nga usa ka langyaw nga negosyante. Magtulo ka tuig na silang managhigugmaay. Karong bag-o misulti ang akong igsuon nga gusto na siyang pakaslan sa iyang hinigugma nga langyaw. Apan sa dili pa ang ilang kasal magpirmahanay daw sila og prenuptial agreement. Wa pa motando ang akong igsuon kay wa siya masayud kun unsa kining prenuptial agreement. Ang akong pangutana kon unsa may mahitabo kon mopirma sa prenuptial agreement ang akong igsuon? Daghang salamat. —Cristy

Dear Cristy,

Basi sa atong Family Code kon ang magtiayon magpakasal na, any properties nga ilang ma acquire during marriage makonsiderar kining gipanag-iya nilang duha gawas lang kon duna silay gipirmahan nga marriage settlement or prenuptial agreement alang sa separation of property. Kining prenuptial agreement usa kini ka kasabotan sa gustong magpakasal nga bisan kon sila minyo na, magpabiling separate ang ilang properties. Buot ipasabot nga ang kabtangan nga gipanag-iya daan sa bana iyaha ra, og ang properties sa asawa magpabilin sab nga separate. Sa Pilipinas dili kaayo uso ang prenuptial agreement. Sa kaso sa imong igsuon, kon mopirma siya sa prenuptial agreement, magpabiling separate ang ilang properties bisan kon sila kasal na. Thank you and God bless. —Atty. Divine

* * *

Alang sa inyong pangutana, palihug lang sa pag email sa [email protected] og akong tubagon ang inyong pangutana pinaagi sa akong column matag Miyerkules, Sabado og Domingo.