Ang Sakramento sa pakighiuli

Nasabotan nga himoon ang pagbendisyon sa tunghaan sa Patupat, Barili diin pagahimoon usab ang pagsaulog sa Santos nga Misa.

Hapit na gyud unta to magsugod sa dihang may daw nidahunog ug sa maong pagdahunog nagdungan og singgit ang mga batan-ong babaye.

Mao nga gihimo ang pagpakumpisal dili lang sa mga apektado kondlli sa tanang mga estudiyante ingon man ang mga magtutudlo.

Samtang sila si Monsenyor Danny ug Fr. Monico ako usab ang nihimo og pagpakumpisal sa mga apektado ingon man sa mga tawo nga nagpalibot kanila gitagsa tagsa usab ang paghimo og healing prayers alang kanila.

Daghan ko og nakat-onan gikang ning maong hitaboa.

Naglambigit kini ning mosunod:

1.Ang dili pag-under estimate sa gahum sa kangitngit. Kinahanglang mangandam gyud.

2. Dili maayo nga matarantar. Kinahanglan huptan sa gihapon ang malinawon ug kalmadong hunahuna ug disposisyon.

3. Ang pagbulag kanila inay ang pagtupad kanila sa usa lamang ka venue.

4. Proper coordination usab sa tanang pagahimoon.

Unta akong mga pag-ampo nga dili na gyud kadto mobalik pa.

Ug unta dili na kini mahitabo pa sa laing mga tunghaan. Angyan lamang nga magtinabangay kita kalabot niini.

Ang pagkasamaran maoy nakapahimo sa dautan nga mosulod sa atong kinabuhi.

Gamhanan ang pagkumpisal, mas gamhanan pa kaysa eksorsismo.