ROTC

Ato ning hisgotan dinhi tungod kay kasagaran natong mga senior senior citizens, niadtong wala pa kini wagtanga, nakakuha gayud sa ROTC. 

Hinumdom ko, hasul kaayo kini alang kanamomg taga-Opon. Momata mi’g sayo kaayo, motabok pa’g dagat. Apan wala kini namo ipanumbaling kay lagi mandatory man. Besides, there was nothing wrong with it. Ug maayo man ang katuyoan niini. 

Ania kining gikan sa internet: “ROTC will teach younger generations about the essence of patriotism. It will inculcate in their minds and hearts a deep love for one's country. More so, it will prepare and mold them to become disciplined and respectful Filipino citizens.”

Kon magtinarong lang, dili mag-liguyligoy, mao kini ang mapupo nga leksiyon gikan sa pagkuha sa ROTC. Ambot ngano nga sa mga tinguha nga ibalik kini ug himuon ma usab nga mandatory, daghan man ang misupak niini.

Aniay usa ka article, gikutlo sa internet gikan sa Reader’s views sa The Freeman, giulohan “ROTC inculcates values to prepare Filipino youth in nation-building.” Most probably, wala lang tingali kita masayod niini, wala lang masulod sa atong ulo, gumikan sa atong pagkuha sa ROTC, naka-contribute kita in building our nation.

Na-published kining article nga atong gihisgutan dinhi, sa niaging tuig, September 8. Bag-o-bag-o pa. Ug ania: “This command drill, which translates to ‘forward march,’ reflects the current state of the implementation and revival of the mandatory Reserve Officers’ Training Corps (ROTC) in senior high school.”

Kini, sa 2022 State of the Nation Address, giikag ni Presidente Ferdinand Marcos, Jr., ang Kongreso pagpasar og balaudnon nga mag-revive ug himuon nga mandatory ROTC, both sa public ug private senior high schools.

"The aim is to motivate, train, organize and mobilize the students for national defense preparedness, including disaster preparedness and capacity building for risk-related situations," nagkanayon si BBM.

For emphasis, ato ning kutluon pag-usab: “ROTC will teach younger generations about the essence of patriotism. It will inculcate in their minds and hearts a deep love for one’s country. More so, it will prepare and mold them to become disciplined and respectful Filipino citizens. On top of that, they will obtain skills and knowledge on basic soldiery, which in turn helps personal development and builds up one’s character.”

Disciplined. Mao ra ba kini karon ang atong gikinahanglan, ilabina sa atong mga batan-on karon. Sa ato nang gibalikbalik dinhi, gikinahanglan ang discipline kon bout kitang mahisama sa Singapore. Ang Singapore is clean, green, and disciplined.

Mahimo nga ato kining idugang sa mga katuyoan sa ROTC, aron nga ang mga ROTC graduates, mao unya ang mahimong front liners sa tinguha pagpa-Singapore-like sa atong dakbayan.

Dili ako motuo nga ang tuyo niini mao ang pag-militarize sa atong mga batan-on. Apan, what’s wrong kon gawas sa mga values nga ipa-internalize ngadto sa mga batan-on, atong andamon ang atong mga batan-on pag-atubang unya sa bisan unsa nga krisis nga mohapak sa atong nasud?

Dugang niini: “the program is designed to teach and help ROTC cadets to understand and appreciate the soldiers’ sacrifices for the nation, why they chose to staunchly serve our motherland, and defend and keep the Filipinos safe while risking their own lives.” Tan-awa, di pa ka ana?