Dugay man mangabot ang ang mga national ID cards

Sa niaging semana niadto mi sa SM seaside kay dunay gipamalit, ug nalipay mi pagkahibawo nga ang national ID system duna diay opisina didto. Misulod mi sa opisina, ug ang akong anak dali ra nga nakaparehistro. Ako wala kay kuwang sa requirement.

Samtang naghuwat ko sa gawas, dunay tawo miduol og nangutana sa empleyado nga diha sa gawas, kon kanus-a moabot ang iyang card, nga hapit na man kuno ma-duha ka tuig ang iyang pinaabot.

Usa lamang kini sa samang mga reklamo nga akong nadunggan gikan sa uban. Duna koy nailhan nga magtiayon, nagdungan sila pag-file, niagi pang tulo ka bulan nga milabay, apan, samtang nadawat na ang card sa bana, hangtud sa atong pagsulat niini, wala pa gihapon makadawat sa iyang card.

Most probably, ang card nagpadulong na nganhi sa Sugbo, na-traffic lang tingali. Wa na tay mahimo niini. Maghuwat lang gyud. Kay di sad sayun ang pagpadala sa pila ka milyon nga mga cards ngadto sa nagkalainlaing dapit sa tibuok kapupod-an.

Hinuon, mipasalig ang Palasyo, sumala sa napatik sas Philippine Star nga on tract kono ang printing ug distribution sa maong mga ID cards.

Ato kining kutluon: “The government is optimistic that it can achieve its goal of printing 30.1 million national ID cards and generating 19.9 million digital IDs this year.”

So, kaya nila nga makab-ot ang pag-print og 30.1 ka national ID cards ug pag-genertate 19.9 digital IDs karong tuiga. 

Ug usa nga problema pag-distribute niini, si Press Secretary Trixie Cruz-Angeles nagpahibawo nga ang Philippine Statistics Authority (PSA) mibalhin ngadto sa Philippine Postal Corp. ang pag-deliver sa 17.6 million ka ID cards (as of August 23), ngadto sa pinuy-anan sa mga applicants.

So, ang post office nay mo-deliver niining maong mga ID cards. So, madali na tingali ang distribution niini.

Ato kining kutluon: “Socioeconomic Planning Secretary Arsenio Balisacan has reported to Malacañang that in the last 11 days, the daily average of physical cards produced at the Bangko Sentral ng Pilipinas’ printing facilities is 103,000 per day, higher than PSA’s daily target.”

Daghana diay no, ang mapatik nga card matag adlaw! Apan, ang problema wala man sa printing, kundili anaa sa distribution. Sa ato pa, dili makaapas ang distribution sa printing.

Ug ania: “The Marcos administration aims to issue 92 million national IDs by the middle of next year.” Hinumdoman nga sa unang state of the nation address ni BBM, iyang gi-highlight ang pagka-importante sa national ID, nga matud pa, “it would allow citizens to seamlessly transact with the government.”

Bitaw, bisan sa pribadong mga buhatan (ilabina mga bangko), pangitaan dayon kita’g duha ka government-issued nga ID. Samot sa mga government offices. Sa ato pa, ang matag lungsuranon kinahanglan maghupot og at least, duha ka ID nga gi-issue sa gobiyerno.

Atong masabot nga kon usa ra ka ID ang imong ipakita sa taga-bangko, dudahan ka nga usa ka holdupper o usa ka bank robber. So, kinahanglan duha gyud ka ID kay magpasabot kini nga dili ka scammer. Motuo ba kaha ang taga-bangko sa usa lang ka national ID card?