Ang dautan  ug maayo

Gidakop ang usa ka sakop sa Drug Enforcement Unit sa kapolisan sa dakbayan sa Sugbo human masakpi nga nangawat og kable nga gipanag-iya sa usa ka telecommunication Company. Laing unom ka mga polis sa Caloocan City ng sakop sa narcotics ang girekomendar sa Internal Affairs Service (IAS) sa kapolisan nga tangtangon sa serbisyo human mangolata ug nanulis sa usa ka manindahay. Natulis sa unom ka mga polis gikan sa manindahay ang P14,000,00 nga iyang nadawat gikan sa gobiyerno.

Gipusil patay sa usa ka drug pusher ang polis nga sakop sa Consolacion Police Station sa lalawigan sa Sugbo samtang nagpahigayon kini og verification sa taho nga adunay bag-ong player sa illegal nga drugas sa Casili, Consolacion.

Nakabawos pa ang polis nga si Staff Sgt. Careby Clyde Alinsug ngadto kang Reynaldo Ydil alyas “Tata” o “Tatskie”

nga iyang naigo sa paa apan namatay pod siya human maunahi sa pagpusil ni Ydil. Si Alinsug naigo sa iyang dughan

ug tiyan nga maoy hinungdan sa iyang kamatayon. Hinuon sa gipahigayon nga follow-up operation sa kapolisan sa

Consolacion, Mandaue, Cebu City ug lalawigan sa Sugbo napatay ra pod nila ang durogista nga si Ydil human mosukol ngadto sa mga polis.

Bisan pa man sa paningkamot sa kadagkoan sa kapolisan nga malimpyohan sa mga badlongon ang organisasyon sa

kapolisan aron mahibalik na sa hingpit ang pagsalig sa katawhan ngadto kanila apan aduna gyod gihapon nagpabilin sa ilang pagka badlungon.

Bisan pa man og gipadak-an na ni Presidente Rodrigo Roa Duterte ang suholan sa kapolisan aron maundang na kini

sa ilang mga kabuang, aduna pa gihapon kanila ang mga buangon. Anaa gihapon mga polis nga kawatan, tulisan ug gani nalambigit sa suliran sa gidili nga drugas.

Hinuon pila lamang kini sila ug ang ilang gidaghanon matabonan ra sa gidaghanon sa mga polis nga tarong sama kang Staff Sgt. Careby Clyde Alinsug.