Kaduha nagpakasal?

Dear Atty. Divine,

Ang akong amiga gipakaslan sa iyang kapuyo last year. Before sa ilang kasal nag live-in na ni sila sud sa pito ka tuig ug naa na gani silay duha ka anak. Tungod kay dunay mass wedding nga gitanyag sa LGU sa ilang lugar mi avail sila ug nagpakasal. Ang akong amiga nagtuo gyud nga ulitawo ang iyang kapuyo.  Apan karong bag-o adunay nagpadala kaniya og message sa iyang messenger nga nagpailang kini nga maoy unang asawa ug nagpahibawo kini kaniya nga aduna silay usa ka anak. Ang iyang pangutana karon kun valid ba ang ilang kasal? Dili ba siya makiha nga minyo man diay kining iyang gipakaslan? Daghang Salamat. — Connie

* * *

Dear Connie,

Mas maayo unang susihon daan kun tinuod ba nga naa nay gipakaslan daan ang iyang bana kaniadto. Mamahimo nga mokuha og Cenomar sa bana sa imong amiga kun tinuod nga nagpakasal na siya kaniadto, mogawas ang iyang duha ka marriage sa Cenomar, and first ug ang second marriage. Posible nga wa sila pangayui og Cenomar atol sa pagpakasal pinaagi sa mass wedding kay kon naglive-in na sud sa sobra lima ka tuig di na man pangayoaan og marriage license. Ug kun ang Cenomar mo appear gani nga kaduha nagpakasal ang iyang bana, ang second marriage mamahimong invalid kay nag exist pa man ang first marriage. Kinahanglan nga ipa annul pa unta sa korte ang first marriage una siya magpakasal og usab. Ang first wife mamahimo sab mokiha sa bana og kasong Bigamy kay kaduha man siya nagpakasal ug usa kana ka dakong kalapasan sa balaod. Apan sa bahin sa imong amiga, mamahimo niyang depensa nga wa kini masayud nga minyo diay ang iyang nabana busa wa kay nahimong kalapasan sa balaod sa iyang pagpakasal. Mas maayo nga i-discuss ang maong problema ngadto sa iyang bana aron mahatagan og katin-awan kun tinuod ba kining minyo kaniato. Thank you and God Bless. — Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.