Mga programa ni Lacson

Sa ato nang giingon, atong gigahin ang atong lindog (Martes, Biyernes, Sabado) sa mga laraw ug mga baruganan sa top presidential best, diin ato nang nahisgutan ang mga laraw ug baruganan nila ni kanhi senador Bongbong Marcos ug Vice President Leni  Robredo.

Karon, ari tang Senador Ping Lacson. Sumala pa, maoy atong tuyo dinhi nga makatabang kita sa inyong pagpili unya sa angayan ug takus nga molingkod sa Palasyo. Dili kita buot nga ang inyong  pagpili ug pagbotar ibasi sa popularity sa mga kandidato, sa resulta sa mga survey, sa kadaghan sa campaign funds, ug sa mga endorsement.

Nganong magkinahanglan man sad ka og endorsement? Di ka kamaong mopili, sama sa imong pagpili sa sabon o toothpaste? Unsa man sad ning atong mga kandidato, dili sila makabarug sa ilang kaugalingon, nga magkinahanglan man sila’g endorsee?

Ang mahitabo hinuon, nga ang mga hidden agenda ug ang mga personal interest sa nag-endorse mao na hinuoy mahimong priority concern sa iyang gi-endorse.

Akong usbon, ayaw ipasikad  ang imong pagbotar sa resulta sa mga survey, sa popularity ug kadaghan sa campaign fund sa kandidato, ug sa mga endorsement. Ngano man diay, di ka kamaong mo-think?

Ania ang mga plano ni Lacson:

1. Getting rid of corruption.

2. Internal cleansing of ‘inept’ corrupt and undisciplined government officials and employees.

3. Implementation of the Universal Health Care Act (pagkakaron ra ba, wala pay klaro ang hingpit nga pagpatuman niini).

4. Assistance to the MSMEs (ang mga gagmay ning negosyo).

5. Provision of equipment and seedlings ngadto sa mga mag-uuma ug sa mga nagtrabaho sa kaumahan ug pagwagtang sa import-dependent mentality (Bitaw, usa kita ka agricultural country,yet, nagsalig kita sa pagpamalit sa pagkaon, sama sa bugas gikan sa gawas).

6. Giving accessible education and paid government internship program (importante sad ni kay daghan ang dili makatiwas pagtungha gumikan sa kawad-on).

7. Budget reform to develop the countryside and provide equal salaries for all (Importqnte sad ni, kay it seems nga atong nataligam-an ang countryside, ang atong mga atensiyon ug kaugmaran, atong gi-focus sa urban centers, ug ngano man tuod nga mas taas man ang mga sweldo sa mga trabahante sa Manila kay sa ato dnhi?). Matud ni Lacson: “Sa ilalim ng administrasyon Lacson walang korapsyon. Malinis at tapat.”  Inyo tingaling mamatikdan nga susama da ang mga laraw ug programa sa mga piliunon pagka-Presidente, infact, ang uban niini, dugay na kitang  nakadungog gikan sa unang mga Presidente, sama sa ilang pag-declare of war against poverty.

Dugang programa ni Lacson mao ang pag-align sa mga priorities sa national ug local budget s, kining iyang giingon nga ‘disconnect’  sa unang mga panginahanglan sa nasudnon ug local budgets.

Matud ni Lacson: “The reason why the problem is so large is due to the lack of consultation with the countryside and the LGUs. “ Bitaw inighimo nila sa nasudnong budget, nganong dili man una sila mokonsulta kanato dinhi?

Sa iya unyang administrasyon, sa budget preparation, “he will seek involvement of members of civil society organizations, non-government organizations, and town-level development councils as resource persons during budget committee hearings. “ Bitaw!