Unsay naman sa sunod sa Omicron?

Wala na gyud diay kahumanan kining COVID evolution, karon Omicron na sad nga nakapaukay sa tibuok kalibutan nga maoy hinungdan nga gibalik sa mga nasud ang hugot nga pagpatuman sa mga restriction.

Ang grabeng naapektohan niini ang atong mga kaigsoonan nga gikan sa laing nasud nga mamauli ilabina karong Pasko, lakip na ang mga OFW nga ma-quarantine na pud, nagdahum na ra ba unta nga gaan na ang pamaagi sa ilang pagpauli apan nasapnan man niining Omicron. Sa madugay ug sa madali makasulod ra gihapon kini sa nasud sama sa nahitabo sa Delta COVID-19 variant or sama sa pagsugod gyud sa covid nga unang nahimugso didto sa Wuhan China.

Bisan pa man sa pagkatap na sa Omicron sa kanasuran, apan wala man kita makabalita nga daghan ang namatay dili sama sa delta didto sa India, unsa man nag over react ra ang mga nasud? Kong dili ingon niana ka deadly basin pareha ra ni sa ubang mga balatian nga motakod apan dili kaayo angayan nga ikabalaka kay matod pa sa mga health expert magsegi gyud og mutate ang virus.

Mapangutana lang ko sa akong kaugalingon ngano kaha kong moubos na ang kaso sa COVID-19 sa mga nasod motumaw man dayon ang bag-ong variant sa virus? wala kahay nagpaluyo niini nga manipulasyon ilabi na sa natad sa medisina?

Kong mahurot na ang mga tawo sa pagpamakuna, mahunong na ang negosyo sa bakuna nga hilabihan ka dako ra ba sa kita sa mga tig gama niini, dili kaha duna panagkunsabo nga nagpaluyo niining tanan gikan sa tig gama sa mga bakuna o tambal batok sa covid aron padayon ang ilang lucrative business.

Ipagawas lang dayon nga resistant ang bag-ong variant sa bakuna busa gikinahanglan nga mag booster gyud aron segurado nga safe gikan sa kagaw, kaniadto second dose ang gi-require karon third dose na basin aduna pay 4th ug 5th dose aron magamit pud ang mga bakuna nga ilang gihimo.

Kong padayon ang mutation sa virus nga gamiton sa mga anaa sa gahum alang sa ilang personal advantage luoy gyud intawon kaayo ang mga tawo kay nahisama kita karon sa mga binilanggo nga walay kagawasan sa atong kaugalingon nga panglihok kay adunay nagdektar kanunay sa atong pagabuhaton.

Ilabi na karon nga pinugsanay na gyud ang pagpabakuna kay dili na katrabaho dili na kasulod sa mga establismento kong dili vaccinated busa mapugos na gyud ang mga tawo sa pagpabakuna.

Dili malikayan nga moturok ang atong pagduda kong tinuod ba gyud kini ang atong gikahadlokan o gisakyan nalang sa mga tawong gitugyanan og gahum aron makapadayon sila sa ilang naandan nga pag gawong sa mga tawo kong unsay angayan nga buhaton.

Sa kadako sa kwarta sa mga tig gama og bakuna ug sa uban pa nga mga butang nga adunay kalambigitan sa COVID-19, basin gigamit nalang nila kini aron magpadayon ang ilang negosyo busa wala nay hunong ang pag evolve sa virus.