Nganong Lakas-CMD man?

Nag-anam na’g ka klaro ang mga speculation o mga pangagpas kon modagan ba gayud pagka-presidente si Mayor Sara Duterte.  Hinuon sa atong pagsulat niini, wala pa gayud matino ang final decision ni Sara.

Apan, niining pagpasakop ni Sara sa Lakas-CMD, daghan ang nangutana, nganong sa Lakas-CMD man, ug dili sa PDP-Laban?

Nagpasabot ba kini nga kon modagan siya pagka-presidente, dili ubos sa PDP-Laban, and perhaps himuon siyang guest candidate for president?

Ug unsa may mahitabo sa local nga mga sakop sa PDP-Laban? Mo-cross party line sila, ilang biyaan ang ilang partido kay adto sila mo-support ni Sara nga standard bearer sa laing partido?

Unya, kinsa may sabakon ni Sara sa local nga mga kandidato? Alang kaniya, kinahanglan ba nga ang iyang suportahan kadto rang sakop sa Lakas-CMD?

Ang Hugpong ng Pagbabago usa lang ka regional party, hinungdan nga mi-resign siya from Hugpong, ug ngano nga ang Lakas-CMD man ang iyang gipuli, ug dili PDP-Laban, ang ruling party, ug partido sa iyang amahan?

Nagpabilin kining tanghaga, sa pagkakaron.

Most probably, inig ka basa ninyo niining akong lindog, aduna nay bag-ong mga development, before sa November 15 nga katapusang adlaw sa pag-withdraw ug pag-substitute sa mga kandidato.

Si Rep. Martin Romualdez, House Majority Leader ug presidente sa Lakas maoy mipapanumpa ni Sara, tinambongan ni Sen. Bong Revilla, chairman sa Lakas.

Matud ni Romualdez, “We had long been inviting Mayor Inday to join our party as we are all impressed with her sterling qualities as a leader and we saw up close her exemplary work ethic as chief executive of Davao City.”

So, impressed sila sa matang sa liderato ni Sara,ug sa iyang katakos pagdumala sa Davao City, isip mayor, ug dugay na diay silang nagdasig ug nag-imbitar kaniya pag-join Lakas-CMD. Ugma, o sa Lunes puhon, matubag ra unya ang maong mga pangutana.

Ug kinsa man unya ang ituboy sa PDP-Laban nga mahimong standard bearer sa pagka-presidente? Si Senador Bato dela Rosa?

Tulo na man lang ka-adlaw gikan karon, ato na gyud mahibaw-an ang labing ulahi ug final nga kaugmaran sa umaabot nga eleksyon. Gani, karong gabii, o ugma aduna nay mga panghitabo nga makahatag na kanatog hingpit o partial nga hulagway sa politika.

In the meantime usa ka alyado ni Sara namahayag nga: “Sara Duterte ‘moving towards presidency.” So, sa iyang pangagpas, molansar gyud si Sara pagka-presidente.

Matud ni Albay Rep. Joey Salceda: “She is moving towards the presidency. She’s running for president. All this political gyration just shows that she’s moving towards the presidency.

Gipanghimakak usab ni Salceda ang mga huhongihong nga modagan si Sara pagka-bise presidente ni  kanhi Senador Bongbong Marcos. Sa usa ka interview, si Salceda namahayag nga ang pagka-bise presidente walay option alang kang Sara.

Dugang ni Salceda: “Despite potentially reversing her stand on mounting a campaign for a national post, Duterte-Carpio has never changed her mind about running for president. She wanted to be president since May. There were just stumbling blocks towards it. Among these stumbling blocks were ‘complications’ within PDP-Laban.’”

Mao ba kaha kini ang hinungdan ngano nga si Sara didto motapon sa Lakas-CMD?