Double registration sa birth certificate

Dear Atty. Divine,

Duna koy anak sa akong kanhi live in partner. Ang bata iyang gi-recognized ug ang iyang apelyido ang gigamit sa birth certificate.

Apan last year, nagbuwag mi sa amahan sa bata. Ang akong pangutana kun angayan bang magpadayon ang akong anak sa paggamit sa apelyido sa iyang papa? Pwede ba ni nako pailisan ang iyang apelyido pinaagi sa late registration? Daghang salamat.

Jane

* * *

Dear Jane,

Kun gi-recognized na sa amahan ang imong anak ug ang iyang apelyido mao nay gigamit niini sa iyang birth certificate magpadayon gyud   ang bata sa pagsunod sa unsay anaa sa iyang birth certificate.

Ubos sa balaod dunay katungod ang bata nga mogamit sa apelyido sa iyang amahan as long as siya gi-acknowledged niini.

Kun imo kining usbon you need to go court but walay kasegurohan nga kini i-grant. Di sab mahimo nga imo kining i-register og usab kay mag-double registration ug ang first registration maoy mo prevail. Mas maayo nga imong huwaton ang imong anak nga mag 18- anyos aron siya maoy mo-decide mopadayon ba siya og dili sa paggamit sa surname sa iyang amahan. Thanks and God bless.

Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.