Walker, body online selling”

Halos tanan produkto ug serbisyo nga atong magustohan mamahimo na antong maangkon nga dili na moadto pa sa dapit diin kini nahimutang kon dili pinaagi sa online.

Niining bag-o lang usa ka lalaki ang nabilanggo human pasanginli nga nanglugos sa usa ka online seller nga iyang gika meet up sa dakbayan sa Sugbo diin mireklamo ang babaye nga gipanamastamasan siya sa suspek.

Gitug-an niini sa mga otoridad nga nakig-meet up siya sa lalaking customer pasado alas 9 sa gabii didto mismo sa dapit sa lalaki kay kolektahon ang bayad sa gikuha niini nga cellphone nga gibaligya niya pinaagi sa online.

Apan pag-abot niya sa dapit sa lalaki gihagkan siya ug gihinol ang mga pribadong parte sa iyang lawas hangtod nalahos sa pag-angkon sa iyang pagkababaye.

Nalisang ug nahadlok ang biktima hinungdan nga midangop siya sa barangay nga mao usay misikop sa suspek ug gitugyan sa estasyonan sa kapolisan.

Kini ang bersiyon sa babaye apan lahi ang bersiyon sa lalaki kay matud niya nga sinabotan nila ang nahitabo, tinood nga nakigtransaksyon siya sa babaye pinaagi sa online pero dili cellphone ang iyang gi-order kon dili ang lawas sa babaye bugti sa P3,500 nga bayad sa kalipay.

Duna kunoy social media page nga murag merkado sa unod diin mahitabo ang transaksyon ug kong magkasinabot sa presyo ang mga babaye kuno ang moadto sa dapit sa lalaki alang sa binayran nga kalipay.

“Walker” ang tawag kuno ani nga grupo nga nagtanyag og kalipay sa mga customer nga maka afford sa ilang presyo.

Mao kini ang nahitabo sa suspek apan unsang pagkaunsaa nga gipahuwat pa man niya ang babaye kay wala pa diay siyay kwarta nga ikabayad human sa ilang gihimo busa gireklamo siya og rape. Confident ang lalaki nga tinuod ang iyang pamahayag kay naka screen shot man siya sa ilang conversation sa babaye. Kong kinsa ang nagsulti sa tinuod sila ra gyud ang nasayod,busa sa mga nag online selling bisan unsa nga produkto dili gyud mosalig ni bisan kinsa, mag meet up lang panahon sa adlaw ug dunay kuyog ug sa daghang tawo aron segurado ang safety.

Sa mga lalaki ilabi na kadtong dunay kabilinggan, stick to one lang gyud sa pares kay basin ulahi na ang pagbasol, magtingkagol sa bilanggoan ug maguba ang pamilya. Faithfulness is the key, nganong mangita pa man ug laing putahe.