Ang lantugi

Gilantugian na usab karon ang pag usab sa Batakang Balaud. Kini human milihok ang mga kaalyado ni Presidente Rodrigo Roa Duterte sa Ubos Balay Balauranan aron usbon ang 34 anyos na nga Batakang Balaud.

Sukwahi sa naunang mga pagsuway, wala na maapil sa lantugi karon ang pag-usab sa Batakang Balaud tungod kay ang sa karon mao naman lay gilalisan sa mga magbabalaud ug kritiko niini ang timing ug ang paagi sa pag usab sa Batakang Balaud.

Dinhi, maingon nato nga nagkauyon ra sila sa pag usab sa Batakang Balaud. Kun kanusa mao ni usa sa gilantugian pa

Kun ugaling magkauyon ang mga magbabalaud sa kanusa usbon ang batakang Balaud, ang sunod nilang sulbaron o tubagon mao ang matang o paagi sa pag usab sa Batakang Balaud.

Ang 1987 Philippine Constitution naglatid og tulo ka matang o paagi sa pag usab sa Batakang Balaud ug mao kinimg mosunod: Constituent Assembly o ConAs, Constitutional Convention o Concon ug Peoples Initiative o PI.

Ang Constituent Assembly nanginahanglan og 3/4 votes sa mga magbabalaud aron ilang himuon ang ilang kaugalingon nga mga sakop sa Constituent Assembly aron ilang usbon ang Batakang Balaid.

Sa Constitutional Convention, ang mga magbabalaud magpalabang og Balaudnon nga magpatawag og usa ka Constitutional Convention pinaagi sa piniliay o pagtudlo sa mga maglangkob niini pinaagi sa boto nga 2/3.

Sa Peoples Initiative, ang katawhan maghimo og pinirmahan  nga petition nga nanawagan sa pag-usab sa Batakang Balaud.

Sa gipirmahan nga petition gisukip naa niini ang gisugyot nga kausaban.

Ang gilantugian mao ang Constituent Assembly nga paagi sa pag usab sa Batakang Balaud.

Kun ikaw ang pabut-on, mouyon ka ba?