Di Red tagging, identifying

Walay bakakon nga motug-an sa tinuod. Walay miyembro o opisyal sa usa ka underworld movement nga mosuka sa hagbay rang giugom nilang tinagoan bisag kastigoon pa’g maayo. Sanglit, ang pagbuhat sa ingon, magkahulogan og ilang kamatayon.

Ni Ka Eric, (Jeffrey Celis) pa, kanhi kadre sa Communist Party of the Philippines-New People’s Army-National Democratic Front (CPP-NPA-NDF), ning panahon lang ni Presidente Rodrigo Roa Duterte nga nakita-feel niya ang kaseryoso niining naningkamot nga makab-ot ang gipangandoy sa katawhan nga kabag-ohan. Nadutlan siya.

Hinungdan, nga sa walay kukahadlok, mibulag siya sa ilang pundok, mitangtang sa iyang maskara atubangan sa publiko ug miyagyag sa tanang baho sulod sa CPP-NPA-NDF, diin kanhi may taas siyang posisyon. Niay tipik sa iyang pamahayag:

“Una sa lahat, I request my wife and my children, na kung maabot kayo sa broadcast na ito, hindi niya alam na magpapa-interview ako ngayon. Kung papatayin man ako ng CCP-NPA-NDF, at least, pinatay ako for the cause of peace. Because I want to contribute for the cause of peace. For this nation…for the future of our children.

Hindi po ako lumabas para suportahan lamang si Gen. Parlade or the Armed Forces of the Philippines. Lumabas po ako para sa taong bayan. The deceptive, manipulative and skillful masterful lies of the CCP-NPA-NDF in the recruitment of different sectors, more particularly in the youth sectors and students must be put to stop.”

Nagsige na ang Senate hearing ning maong ‘expose’ nga gitumbok sa taga Makabayan Bloc (MB) sa Kongreso nga Red tagging (butang-butang) lamang kuno, human labayag nagpungasing testimonial evidences ni Ka Eric ug iyang mga kaubang cadres nga mitambong-tug-an sa ilang tagsatagsa ka kasinatian ug nasayran.

Mga ginikanan sa nangawala nilang anak human mailad-recruit sa CCP-NPA-NDF, nagrali sab sa gawas sa Senado, nagpaninggit-nanawagan sa gobiyerno nga tangtangon na ang kinatibuk-ang MB sa Kongreso.

Pun-an sa pagkamatay niadtong babayeng NPA tapos nakigbakbakan sa atong kasundalohan, kinsa anak diay ni Rep. Eufemia Cullamat, sakop sa MB, ay pastilan, makapalig-og samot sa mga giyagyag-pabutong  kamatuoran nilang Ka Eric didto sa Senado.

Gani, si Tatay Digong, mismo, miklaro: “It is not Red Tagging, but Identifying.” Ug duna gyoy kongresista nga ginganlan.