Gipagwapa ang Manila Bay bugti sa pagkagusbat sa kalikopan sa Alcoy
Wala kapugngi ni Cebu Governor Gwen Garcia ang iyang kasuko sa nahitabo sa kalikopan sa lungsod sa Alcoy diin gikubkob ang kinaiyahan nga maoy gigamit sa pagpanindot sa Manila bay.
Gipatawag sa gobernador ang mga opisyal sa MInes and Geoscience Bureau-7 ug mga representante sa Dolomites Mining nga maoy mga frontliners sa proyekto didto sa kaulohan.
Giangkon sa opisyal sa MGB-7 nga miisyu sila og Oar Transport Permit OTP sa mga nahaunang minerals nga nadala na didto sa Manila Bay tungod kay naa pud lagi kiniy permiso gikan sa central office.
Apan human sa meeting sa gobernador dili na kuno moisyu ang MGB-7 og OTP sa nahabilin pa nga mga mineralis nga dad-onon didto sa Manila diin duna pay liboan ka tonelada ang gikatakdang hakoton aron magamit sa pagpanindot sa Manila bay.
Samtang nakahukom ang gubernador nga ipahunong dayon ang operasyon sa mining company kalabot niining maong proyekto pinaagi sa usa ka executive order nga gipagawas kagahapong adlawa.
Wala kuno masayod ang LGU sa Alcoy ug ang probinsya sa Sugbo nga sa Sugbo ba diay gikan ang mga mineralis nga gigamit sa Manila bay sanglit bisan man lang out of courtesy wala man gyud nakapahibawo kalabot sa operasyon.
Higpit kaayo ang lalawigan sa Sugbo sa programa pagpanalipod sa kalikopan. Busa dakong sagpa nga diri pa gyud gikuha ang mineralis pangpabyuti sa ubang dapit bugti sa pagkagusbat sa atong kalikopan.
Mimando na si Gobernador Garcia og lawom nga inbestigasyon ug ipapanubag ang mga tawo nga anaa sa likod niini, ang legal team sa kapitolyo nagtoon na sa ilang mga lakang.
Gimandoan na usab sa ni Garcia ang PENRO sa pagpahigayon og aierial survey sa gilapdon sa damage sa kalikopan sa lungsod sa Alcoy nga iapil sa ilang paninglon sa mga nalambigit sa pag gusbat sa kalikopan sa lalawigan sa Sugbo.
Gipagawapa ang Manila Bay gamit ang pag gusbat sa kalikopan sa lungsod sa Alcoy, asa ang hustisya?
- Latest