Signing off

Ning panahon karon daghan na kaayo ang mga maluibon. Bisan gani ang imong kaugalingong higala o sakop sa pamilya mahimong moluib nimo. Higugmaon ka nila segun sa imong pulos. Kun wa kay pulos aw basura ka alang nila.

Mao k ini ang panan-aw sa kalibotan karon. Gihigugma ang bahandi, gigamit ang tawo. Dili kay higugmaon unta ang tawo gamiton lang gud ang bahandi. Sa laing bahin, ning panahona karon, daghang mga tawo nga dili responsable sa paggamit sa kahimanan sa social media. Imbis gamiton sa pag-inspire gamiton man nuon sa pagdaut.

Mao nga mas maayo na lang tingali nga mo-sign off kaysa magpunay og sign on apan puno ra diay sa mayubiton nga pagtakuban. Ug kini ang kasagarang nahitabo ning mga panahona karon. Mahimong daw pang lazada diha sa Facebook apan Scam diay diha sa aktwal nga kahimtang. Asa man ang hustisya kun kini man gani ang basehan?

Ang signing off nagpasabot nga  mas maayo nga mopalayo lang una gikan sa kinabag-an aron hatagan og panahon ang kaugalingon aron mamalandong sa hilabihan.

Singing off aron sa ingon makagahin og igong higayon sa paghilom ug pagginhawa og lawom. Signing off aron mopahulay gikan sa daghang mga pressures sa kinabuhi.

Mao ni nahitabo karon. Daw buot natong magdali aron daghan ta og mahuman o matapos apan sa kaulahian nahimong bug-at ra alang kanato ang tanan. Daghan ang nabiktima sa naghinubrang kakugi apan sa katapusan walay igong pag-appreciate sa kahago.

Apan ingon ana ang kinabuhi. Lisud kaayo kun sa tanang higayon kita mag-assume. Mag-assume nga okay ra kaayo ang tanan aron sa ingon mamahimong ma redirected ang atong kinabuhi gikan sa atong pagkahisalaag. Ang paghilom mahinungdanon kaayo aron sa ingon mamahimong mas lunsay ang atong pagginhawa og bag-ong hangin alang sa kabag-ohan gikan  sa mga sistemang dunot ug binata bunga kaha sa imaturity sa kadaghanan kanato.

Mao tingali ning hinungdan kun nganong hangtud karon daghan gihapon kanato ang dunay mga tantrums.

Wa koy laing gihimo gawas sa paghilom na lang ug dili na lang gyud mokomentaryo. Apan wala kini magpasabot og paghilom na lang gyud. Hinunoa nagpasabot man kini nga lihok maoy pasultihon.