Minor de edad ang mipirma sa deed of absolute sale

Dear Atty. Divine,

Ang akong pag-umangkon naka inherit og house and lot gikan sa iyang mga ginikanan nga nangamatay tungod sa aksidente. At that time, 12-anyos pa ang akong pagumangkon. Tungod sa pagkamatay  sa iyang mga ginikanan, ang usa nako ka igsuon miboluntaryo nga maoy moatiman sa bata ug didto kini gipapuyo sa ilang balay aron di siya mag inusara. Karong bag-o among nahibaw an nga gibaligya sa  akong igsuon ang house and lot nga gipanag iya sa akong pag umangkon ug iyang nakombinser ang bata sa pagpirma sa Deed of Absolute Sale bisan kun kini menor de edad pa. Sa dihang ako ning nahibaw-an akong gi-confront ang akong igsuon ug iyang giangkon nga nasayop siya sa iyang gibuhat. Karon gusto namo nga kuhaon pagbalik ang house and lot.  Ang akong pangutana kun pwede ba namo bawion ang property? Daghang salamat. —Linda

Dear Linda,

Kun minor de edad ang nagpirma sa Deed of Sale, dili balido ang maong dokumento ug mamahimo kining ma annul. Basi sa paragraph 1 sa Article 1390 sa atong Civil Code, kini nagkanayon nga ang kontrata mamahimong  ma annul bisan pa kun duna kini nahimong damage sa  parties kun ang usa sa nagpirma niini way legal capacity sa paghatag og consent sa maong kontrata. Ang minor de edad dili mamahimong makapirma og bisan unsang kontrata busa voidable ang Deed of Absolute Sale nga  gipirmahan sa imong pagumangkon. Kun inyong bawion ang property kinahanglan inyong ipa annul sa Korte ang Deed of Absolute Sale within 4 years from the time moabot sa age of majority ang menor de edad or inyo kining i-file sa dili pa  siya moabot sa 22 years old aron inyong mabawi ang house and lot. Thanks and God bless. —Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas Street, Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.