Ang nawong sa COVID-19

Unsa gyud kaha ang nawong sa COVID-19, ang kontra nga gibansagan nga the faceless enemy? Sigurado motubag mo nga “faceless gani mangutana pa gyud nga unsay nawong, pastilan pagka___kuan nalang gyud” bitaw sa tinood dugay na nato nga nakita ang nawong sa coronavirus disease o COVID-19.

Mismo sa matag usa kanato makita ang nawong sa covid, inig panamin nimo sa makita nimo ang panagway nga puno sa ka balaka ug kahadlok, mao kana ang nawong sa COVID-19. Kanang imong matagboan nga nagsul-ob og facemask ug nagsigr og pang spray og alcohol mao kana ang dagway sa COVID-19 nga naghamok kanatong tanan.

Ang mga tawo nga walay trabaho ug gipang gutom kay wala usay ayuda sa kagamhanan, ang pag antos nga makita sa ilang panagway mao kana ang COVID-19.

Sa mga opisyal sa gobiyerno nga sinserong naningkamot nga mahatagan og kasolbaran ang problema ug ang mga opisyal nga nag take advantage sa sitwasyon, laing panagway na usab kana sa COVID-19.

Nan karon kinsa man ang wala makakita sa nawong ni COVID-19? Sa tanan - mapobre ug madato, sikat ug yano - nagpakita ang COVID-19. Tinuod gyud nga ang COVID-19 is everywhere, kong dunay dautang nawong naa usay buotan nga dagway nga mao ang mga tawong naghimo sa maayo alang sa isig ka tawo.

Ang COVID-19 naghatod karon sa duha ka batasan ug nawong sa mga tawo ang kamaayo og kadautan.

Nahimong mas relihiyoso ang mga tawo ug mas law-abiding citizen nga mga mahadlok nga molapas sa mga lagda.

Karon nakatutok ang tanan sa mga nataptan o kadtong mga naa sa hospital kinsa nabutang sa peligro ang kinabuhi apan nataligam-an ang mas daghang nag antos sa kagutom kay nawad-an sa panginabuhian.

Kay halos naa naman sa nawong sa kada ang COVID-19, unta mahibalik sa labing dali nga panahon ang panagway sa tawo nga gitabonan sa imahen sa kahadlok ug walay kasigurohan.