Social pension alang sa mga indigent seniors
Ang Department of Social Welfare and Development (DSWD-7) nagpahibawo nga dinhi sa atong region, kapin na sa 265,000 ka indigent seniors and nakadawat sa social pension.
Ang ilang na-disburse so far, mikabat nag P813,837,000.
Sa ato nang nasayran, ang DSWD ubos sa ilang social pension program, manghatag og tag-P500 matag bulan ngadto sa mga beneficiaries. Apan usually quarterly ang ilang pagpanghatag, kay alang sa mga beneficiaries dako-dako ang ilang madawat nga P1,500, ug kon semestral ang pagpanghatag, P3,000 ang madawat.
As of June 11, mokabat sa 95.76% na ang ilang na-disbursed, matud ni Regional Director Rebecca Geamala sa DSWD-7.
Gitambagan kadtong wala pa makadawat pagpaadto sa ilang respective LGUs pag-claim sa ilang pension.
Dinhi sa Region 7, adunay 276,278 ka senior beneficiaries, mga senior citizens nga walay kapanginabuhian ug walay nag-support kanila alang sa ilang mga panginahanglan.
Alang niadtong maglisod sa panglihok, mahimo nga mo-issue sila og authorization ngadto sa ilang sakop sa panimalay pag-claim sa pension gikan sa local nga mga social worker development officers, matud ni Geamala.
Hinuon, gumikan sa atong kahimtang karon, ang DSWD ug LGUs mitimaan og kasabotan nga sila na sa local nga pangagamhanan ang mo-issue sa pension pinasikad sa lista gikan sa DSWD.
- Latest