Stress

Maghisgot ta’g stress. Ambot unsay usa ka pulong nga kahulogan niini sa Binisaya. Apan, sa Eninglis ang mga synonyms niini naglakip ning mosunod: strain, tension, anxiety, burden, pressure. Pinaagi niining maong mga synonyms, ato nang masabtan unsay buot ipasabot sa pulong stress. Ug ato nang mabalay-balay ang kahulogan niini: Kahigwaos, kabalaka, nabug-atan sa mga problema, di na maantus nga kaguol, depresyon.

Nakahunahuna ko’g hisgot niini, tungod kay karong bag-o didto sa kaulohan laing batan-ong babaye mihunos sa iyang kinabuhi, nag-suicide. Didto kini sa Global City sa Taguig.

Matud pa: “What this represents is the shocking rise of such incidents globally. Sadly, the people who die from suicide are getting younger.” Nagkabata, nagkalinghod ang panuigon, ug nagkadaghan ang mga batan-on nga naghikog.  Sitwasyon kini sa tibuok kalibutan.

Sa among panahon sa mga bata pa mi, dugaydugay  na gyud to), wa gyud kadungog nga dunay naghikog sa Opon, and perhaps ingonman sa ubang dapit sa atong  nasud. Unsa man ‘tong mga panahona, walay problema ang mga batan-on nga wala sa ilang imagination ang paghikog?

Ang World Health Organization mitaho nga: “each year, approximately one million people die from suicide, which represents a global mortality rate of 16 people per 100,000 or one death every 40 seconds. It is predicted that by 2020, the rate of death will increase to one every 20 seconds.”

Kuyaw no? Unsa may problema sa atong mga batan-on karon nga mokalit man lang sila’g ambak sa taytayan? Inig kahuman sa Cordova-Cebu bridge, duna na unya kitay tulo ka taytayan. Sa ato pa, tulo na unya ang kapilian sa buot maghikog, ug mahitabo na unya ang gikahadlokan sa World Health Organization nga mas modaghan pa unya ang maghikog sa masunod nga katuigan.

Ngano man ni? Giingon dinhi, “Stress overload is one of the greatest killers of our times as it triggers illnesses in our physical and mental bodies. Mental illness and depression is on a dangerous rise in our urban centers and ways of addressing this are coming from all sectors.”

So, stress ang main culprit niining pagsulbong sa nagkadaghan sa buot maghikog.  Wala na silay kadangpan nga kapahungawan unta sa ilang mga suliran; wala na silay connection sa katilingban nga makatanyag unta og mga healing alternatives. Matud pa: “A lack of connection to the inner soul journey, a lack of connection to something bigger than ourselves.”

So, samtang dili kalikayan ang pagka-stress, apan, adunay mga healing alternatives nga makapugong sa atong nahunahunaan nga soluyson: ang paghikog.

 Dugang pa: “Obviously, the way of the materialistic world driven by the ego’s desires, greed, pride and attachments isn’t working. How can we change this? I believe it is about changing the energies one has inside and around one’s life. Then making small changes in our own individual lifestyles towards the positive and healthier directions. “

Asa man ta magsugod niini?  giingon dinhi, “We need to begin with healing as we step away from stressors: healing the brokenness within each of us (we can help ourselves by awakening to a mindful life aware of our soul presence), healing the relationships we have (we can do this supported by healing modalities to build supportive and resilient communities).”

So, ang healing anhi magsugod sa atong kaugalingon.  Mao ni lisud kay makig-away na kita sa atong kaugalingon.