Gustong sagupon ang pag-umangkon sa asawa
Dear Atty. Divine,
Wa mi anak sa akong wife but kami maoy nagpadako sa illegitimate nga anak sa iyang igsuon. Kami ang nag-atiman sa bata since 6 months old siya og karon 13 anyos na ang bata. Ang apelyido sa bata nga gigamit sa iyang birth certificate mao ang apelyido sa iyang biological mother samtang ang iyang middle name mao sab ang middle name sa iyang biological mother so pag enroll namo niya sa grade 7 nangutana iyang teacher nganong nagpareha sila og middle name sa iyang mama. Karon ang inahan mosugot na nga among sagupon ang bata. Ang akong pangutana, Pwede pa ba mapausab ang surname sa bata ngadto sa akong surname nga grade 7 na man siya? Unsay mahitabo sa iyang school records lakip na sa iyang diploma? Pila ang magasto sa adoption case? Kung ang inahan napaangkan unsa man diay dapat ang middle sa iyang anak? Daghang salamat.
Ferdy
* * *
Dear Ferdy,
Kun imong sagupon ang bata legally pwede gyud nga mausab ang iyang apelyido ug isunod sa imong surname samtang ang iyang middle name mao sab ang apelyido sa imong asawa kay usbon man ang iyang birth certificate kun aduna nay adoption decree from the court. Kini bisan pa kun grade 7 na ang bata. Ang iyang school records og diploma pwede sab nga ipausab og inyo rang i-submit sa school ang iyang adoption decree. Ang imong magasto sa adoption case dili mominus sa P50 mil depende sa rate sa imong lawyer. Mas maayo nga imong i-process ang adoption samtang minor de edad pa ang bata. Kun ang bata illegitimate dapat wa siyay middle name kun maggamit siya sa surname sa iyang inahan. Thanks and God bless.
Atty. Divine
* * *
Alang sa inyong pangutana ipadala lang sa Legal Corner sa Banat News or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest