Mas gusto og operation of properties
Dear Atty. Divine:
Nagtrabaho ko abroad ug plano ko nga magpakasal this year sa akong girlfriend sud na sa lima ka tuig. Duna koy anak sa akong first wife apan na-annul na ang among marriage 6 years ago. Duna sad koy mga properties nga na-acquire after ko na-annul. Ang akong girlfriend naa say iyang kaugalingong negosyo ug mga properties. Gusto unta namo nga magpabiling separate ang among property relations kay naa ra ba koy anak sa akong unang asawa. Unsay angayan namong buhaton aron magpabiling separate ang among property bisan kun kami magpakasal na? Daghang salamat.
Gio
* * *
Dear Gio,
Basi sa atong Family Code kun ang magtiayon magpakasal na, any properties nga ilang ma-acquire during marriage makonsiderar kining gipanag-iya nilang duha gawas lang kun duna silay gipirmahan nga marriage settlement or pre-nuptial agreement alang sa separation of property. Ang marriage settlements or pre-nuptial agreement kinahanglan nga pirmahan both parties before sa ilang kasal aron kini mamahimong valid. Busa ang maayo ninyong buhaton mao ang pagpirmahanay og marriage settlement or pre-nuptial agreement before sa inyong wedding alang sa separation of properties. Kini aron whatever properties nga inyong gipanag-iya karon ug inyong mapalit during marriage magpabilin kining separate ug dili makonsiderar nga gipanag-iya ninyong duha. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest