Kinsay dapat manubag sa hospital bills sa nabanggaan?

Dear Atty. Divine,

Ang akong pag-umangkon nabanggaan og motor. Nakaangkon kini og bun-og sa kalawasan ug kinahanglan sab nga operahan ang iyang tiil.

Ang nagmaneho sa motor usa ka 17 anyos ug way lisensya.

Gusto unta namo nga  pabayran ang expenses sa hospital bills sa akong pag-umangkon, kinsay dapat namong paninglan ang nakabangga o ang tag-iya sa motor? Daghang salamat.

Jessica

* * *

Dear Jessica,

Ang nakahimo og kadaut o danyos mao gyud unta ang dapat manubag apan kun ang hitabo maglambigit na gani og motor vehicle basi sa mga nahaunang desisyon sa Korte Suprema kini nagkanayon nga ang registered owner sa vehicle  mao gyud ang direkta ug primary liable sa kadaut nga nahimo  sa iyang  sakyanan. Buot ipasabot nga ang dapat nimong paninglan sa pagbayad sa hospital bills sa imong pag-umangkon mao ang registered  owner sa motorsiklo.

Hinuon pwede sab gihapon nimo nga paninglan ang nagmaneho sa motor apan kun di kini makabayad, ang tag-iya sa motorsiklo mao gyud ang manubag sa gastuhan niini.

Thanks and God bless.

Atty. Divine

* * *

Alang sa inyong pangutana, ipadala lang pinaagi sa email sa [email protected] ug akong tubagon ang inyong pangutana pinaagi sa akong email sa [email protected] ug akong tubagon ang inyong pangutana pinaagi sa akong column matag Miyerkules, Sabado og Domingo.