Exchange of persons

Kay walay exchange gifts nga nahitabo mao nga nagkasabot na lang kaming Papa Kipling ug Kuya Randy nga magpuli puli sa Misa de Gallo.

Nindot kini nga kasinatian alang sa matag usa kanamo sanglit, makatabang man kini sa pagdasigay sa usag usa ingon man sa pagdasigay sa mga katawhan nga kanamo gisangon aron alagaran.

Usa kini ka kahigayonan sa pakiglambigit ngadto sa uban. Ang maong kasinatian nakatabang dako uyamot aron mahimamat ang bag-ong mga tawo ug makasagap og mas bag-o pang mga pamalandong nga sarang magamit sa kinabuhi.

Ang Misa de Gallo atong saaran aron kita magsakripisyo dili lang alang nato kondili usab sa uban.