Makiha ba og estafa ang nangutang?
Dear Atty. Divine:
Duna koy pangutana may labot sa nangutang nako og kwarta.
Mihuwam siya nako og P500,000 para daw ipuhunan sa negosyo ug misaad siya nga bayran kini monthly sud sa duha ka tuig sugod karong buwana.
Apan akong nahibaw-an nga wa siyay negosyo nga natukod ug posibleng gigamit niya sa lain nga purpose ang kwarta.
Nabalaka ko nga di ko niya mabayran sa iyang giutang.
Kon mapakyas siya sa pagbayad niini mamahimo ba nako siyang ikiha og Estafa?
Daghang salamat.
Cristina
* * *
Dear Cristina,
Ang usa ka tawo mamahimong makiha og Estafa base sa Article 315 sa Revised Penal Code kon RPC kon kini nakahimo niining mosunod: 1) Unfaithfulness or Abuse of Confidence; 2) Fraudulent acts or; 3) Fraudulent means.
Buot ipasabot nga dunay nahitabong pagpangilad aron makakuha siya sa kwarta.
Apan sa imo nga kaso, nanghuwam siya og kwarta aron matud pa inegosyo ug tungod niini imo kining gipahuwam.
So, kon ugaling mapakyas siya sa pagbayad sa iyang utang diha kanimo, ang kaso nga imong ma file collection of sum of money nga usa ka Civil case. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest