Bana nga kaduha nagpakasal

Dear Atty. Divine,

Duna koy pangutana labot sa akong bana. Ang akong bana adunay laing babaye ug mao kini hinungdan nga kami nagbuwag kay mikuyog man siya sa laing babaye. Kasal mi niadtong 2005 ug niadtong 2010 wa na siya mopauli sa amoa kay mikuyog siya og laing babaye. Usa ka OFW ning akong bana ug aduna mi duha ka anak. Ang nakapait kay wa gyud siya  magsuporta sa among mga anak ug ako ra intawon ang nagbuhi sa mga bata. Karong  bag-o akong nahibaw-an nga gipakaslan gyud sa akong bana ang iyang babaye didto sa Panglao, Bohol . Nakakuha ko og Marriage Certificate gikan sa PSA labot sa iyang second marriage. Tungod niini, plano nako nga mopasaka og kaso batok sa akong bana ug sa iyang babaye. Unsa nga kaso ang dapat nako nga i-file? Asa nako kini ipasaka? Daghang salamat.  — Jessa

Dear Jessa,

Ang pagpakasal sa imong bana sa iyang babaye bisan kon nag-exist pa ang inyong kaminyuon, usa kini ka kalapasan sa Art. 349 sa atong Revised Penal  Code. Kasong concubinage  ang dapat nimong ipasaka  batok sa imong bana ug sa iyang babaye. Tungod kay usa ka criminal  offense ang nahimo sa imong bana so adto kini nimo ipasaka sa lugar diin gipahigayon ang iyang second marriage kay ang korte sa maong lugar diin nahitabo ang krimen maoy dunay jurisdiction sa kaso. Thanks and God bless. — Atty. Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or  email sa [email protected] ug  akong tubagon ang inyong pangutana  pinaagi sa akong column  matag Miyerkules, Sabado ug Domingo.