Kahingawa sa mga senior citizen

Kasagaran kanato, ilabi na niadtong nagpanuigon between 70 & 90, nga sa kadugay na natong nagpuyo ning kalibutana, dako ang atong katingala ug kabalaka nga niabot karong panahona nga giuyog pag-ayo ang Simbahang Katoliko. Ug ang atong kahingawa nga ang buot mobungkag sa simbahan, regardless unsay atong tinuohan, nagagikan ra ‘from within.’

Apan, aduna ba’y purohan nga mabuntog ang simbahan nga sulod sa kapin na sa 2,000 ka tuig, nagpabilin kining lig-on ug intact, despite sa daghang kakulian nga iyang nasugamakan?

Of course, gumikan sa pasalig ni Jesucristo nga “even the gates of hell” dili makapukan ang simbahan nga iyang gitukod, wala kini matandog as an institution.

Hinumdoman usab nga sa iyang paghatag og gahum ngadto kang Pedro, si Jesus nagkanayon: “And now I say to you: You are Peter and on this rock I will build my Church, and never will the powers of death overcome it.”

Bug-at kaayo nga pasalig, hinungdan nga bisan og giunsa’g kusokuso ang Iyang Simbahan, wala kini matarog. Otherwise, dili unta kini molungtad og kapin sa 2,000 ka tuig.

Ang kasaysayan sa kalibutan nagpakita sa daghang paningkamot sa dagko ug gamhanan nga mga lider sa tibuok kalibutan pagbuntog sa 2,000 years old nga simbahan.

Aniay akong nasindolan nga dugay-dugay na nga sinulat ug napatik sa usa ka nasudnong mantalaan.

Sa iyang column, si Elinando B. Cinco mibutyag: “The 2,000-year-old history of the Catholic Church is replete with all kinds of warriors and heads of state who crossed sword with the institution. From Hitler and Stalin, to Fidel Castro and Evo Morales, to name just four of them in the recent past.”

Si Cinco mihingalan og upat lang ka tawo nga atong nailhan, mga gamhanan leader sa ilang panahon mibatok ug mi-persecute  sa Simbahang Catolica. Apan, sa ato na nga giingon sa unahan, wala matarog ang Simbahan. Karon, dinhi sa kaugalingon natong nasud, it seems nga adunay mga paningkamot somewhere pagpanghimaraot sa simbahan. Kon napakyas sila si Hitler, Stalin ug Fidel Castro pagpukan sa Catholic Church, magmalampuson kaha kini sila karon nga buot mopukan sa simbahan?

Kitang mga senior citizen, saksi sa kinabuhi sa simbahan, nga samtang nag-atubang usab kini’g krisis nga mugna sa kaugalingon nilang katawhan, as an institution, wala kini maunsaay, ug nagpabiling lunsay ang atong pagtoo nga adunay Labaw’ng Makagagahum nga naghatag kanato’g kinabuhi.

Busa, sa sugyot sa mga Obispo, atong iampo ang mga naghimaraot sa simbahan. After all, magsuon kitang tanan.