Mga benepisyo sa eba (1)

Bisan og sagad kini nga gigamit isip panglamas, apan ang mga eksperto mikonsiderar sa eba nga usa ka matang sa prutas nga ginganlan og ‘bilimbi fruits’. Aslomon kini, apan dinhi sa ato adunay matang sa eba nga gitawag og kamias, aslom apan may pagkatam-ison sab.

Halos tanan nakaila na niining eba nga prutas, apan kadaghanan wala pa kaayo masayod nga kini dasok sa mga gikinahanglan sa lawas. Sa analysis sa iyang nutrisyon, ang kada 100 gramos sa eba, nagbaton og sama sa mga mosunod.

Protina – 0.61g (1.2% DV); Fibers - 0.6g (2.4% DV); Phosphoros-11.1g (3.4% DV); Calcium – 3.4mg (3.4% DV); Iron – 1.01mg (5.% DV); Thiamine (vit B) - 0.90mg (0.66% DV); Riboflavin (vit B2)- 0.026mg (1,529% DV); Carotene (vit A) – 0.035mg (1.16% DV); Ascorbate acid (vit C) - 15.5mg (25.83% DV); Niacin (vit B3) – 0.302mg (1.51% DV).

Ang DV (daily value) gibase sa 2,000 kaloriyas nga diyeta, nga nagdepende sa edad ug sa pisikal nga aktibidades. Tungod niini, ang eba naghatag sab og daghang benepisyo sa kahimsog gikan sa dahon, linghod nga sanga, ug sa prutas.

Ang prutas niini, nagbaton og mga antioxidants ug ang iyang kaaslom nagumikan sa epekto sa kataas sa acid.

Pakalmahon niini og ikontrol ang pagsaka sa presyur sa dugo sa atong mga arterya, nga sagad  anaa kanunay sa lebel nga 140/90mmHg. Kaniadto pa gigamit ang eba isip tradisyonal nga pang-alibyo sa hypertension.

Magpabukal ka lang og tubig nga may pipila ka buok eba ug 3 ka tasa sa tubig nga pahubson hangtud matunga. Kada buntag moinom ka niini nga init-init pa.