Mapanag-iya ba sa giprendahan ang yuta?
Dear Atty. Divine,
Ang among farm land giprenda sa akong papa og P250 mil ug dapat bayran unta niya ang maong utang sulod sa duha ka tuig.
Mipirma ang akong papa og kasabotan uban sa iyang giprendahan, ug base sa ilang kasabotan nga kon dili makabayad si papa sa utang, automatic nga mapanag-iya sa giprendahan ang farm land.
This year na mo-due ang utang ni papa ug naglisud mi sa pagpangita og kwarta para ibayad kay dako man gud og interest.
Ang akong pangutana kon husto ba ang ilang kasabotan nga automatic mapanag-iya sa giprendahan ang farm land kon dili mi makabayad? Daghang salamat. — Loida
* * *
Dear Loida,
Base sa Article 2085 sa atong Civil Code kini nagdili sa creditor sa pagpanag-iya sa butang nga gi-pledge, o gi-mortgage, sama sa yuta sa imong papa nga giprenda bisan pa og dili makabayad ang nangutang.
Kinahanglan nga i-foreclose ang property, ug dayon i-public auction ug ang proceeds niini maoy ibayad sa utang.
Kanang provision sa ilang kasabotan nga automatic mapanag-iya sa giprendahan ang farm land sa imong papa, kon dili siya kabayad sa utang, usa kana ka kalapasan sa balaod so wa kanay legal effect. Thanks and God bless! — Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column.
- Latest