Ayaw kahadlok mawala ang imong giisip nga bililhon
MARSO 18, 2018: Ikalimang Domingo sa kwaresma
Mga Pagbasa: Jer. 31;31-34/
Sal. 51/Heb. 5;7-9/Jn. 12;20-33
Kini ang usa sa mga pagtulon-an ni Master Yoda. Ug kini mao usab ang pagtulon-an ni Jesus. Ang kawad-an sa iyang kaugalingon kinabuhi makabaton niini. Matarong lamang nga atong himoong mapukan ang attachment sa atong kinabuhi. Mahimong tawo, mahimong butang, o gani bisan ang baruganan. Diha sa pag let go sa bisan unsang bililhon makapadayon kita sa panaw padung sa kagawasan. Kay ang naghinobrang pagpagapos sa mga higot sa kalambigitan ang usahay mamahimong babag sa atong kagawasnon sa pagbuhat sa kabubut-on sa gahum nga iya sa Dios. Ang Dios ania uban kanato ug kita diha kaniya ug aron makab-ot nato kini, andam kitang mobiya sa naandang matang sa pagkinabuhi, ang pagkinabuhi nga nagsukad sa pagtuo nga ang tanan ug si bisan kinsa permanente.
- Latest