Wa pay OSCA head

_{Sa atong pagsuwat niini, wala pa’y OSCA head ang dakbayan sa Sugbo. Hinoon, nagpadayon ang serbisyo niining maong buhatan. So, no problem.}

_{Apan, nganong nabakante man ang buhatan sa pangulo sa OSCA sukad pa sa Disyembre niining tuiga, dungan sa pagkapupos sa termino ni Doming Chaves? Kinahanglan ba nga mabakante ang maong position after December?}

_{Ang Implementing Rules & Regulations sa RA 9994 nagkanayon nga ang OSCA head itudlo sa mayor “for a term of three years without reappointment, but without prejudice to an extension not exceeding three months, if exigency so requires. So, ang pagkabakante sa buhatan sa OSCA head atong maisip nga usa ka “exigency,” apan, wa i-extend ang termino ni Chaves. Ngano man? Ug ngano man tuod nga wa man mag-election before napupos ang termino sa sitting OSCA head?}

_{Ug ang pagtudlo sa bag-ong OSCA head dili maderitso pagtudlo, kondili, ipaagi kini og eleksiyon. Ania ang balaod: “The OSCA head shall be chosen from a list of three nominees as recommended by a general assembly of DSWD-accredited or LGU-registered senior citizens organizations in the city or municipality.”}

_{Sa mokapin 60 milyones ka senior citizen sa dakbayan (hinoon dili ang tanan niini nagpasakop sa kahugpongan sa mga senior citizens), lisud o imposible ang pag-gather sa mga senior citizens into a general assembly. So, ang gihimo mao ang pagpili og mga delegado gikan sa kapin 100 ka barangay chapter associations sa mga senior citizens, ug sila na ang mopili sa tulo ka nominees nga maoy basehan sa mayor pagtudlo sa OSCA head.  Nganong wa man ni buhata sa wala pa mapupos ang termino ni Chaves?}

 _{By the way, ugma ang pagpanghatag sa P1,000 nga cash aid gikan sa Cebu City Hall alang kanatong mga senior citizen. Sayo ta’g mata, aron dili ta mahasol unnecessarily gumikan sa pagdasok unya sa mga senior citizen? Pagkaugma, Domingo, ang mga PWD na usab ang hatagan og tag P2 mil nga cash assistance.}

_{* * *}

_{Sa bag-o unyang OSCA Head, niay maayo niyang tukion. Kining final provisions sa IRR sa RA 9994 bahin sa Appropriations nga nagkanayon: “The appropriation necessary to implement the provisions of this Act and its rules shall be included in the respective budgets of the responsible national government agencies subject to availability of funds.}

_{The heads of departments and agencies as well as local chief executives concerned shall immediately include in their annual appropriations the funding necessary to implement these programs and services.”}

_{Kon tumanon, daghan og kwarta ang kahugpongan sa mga senior citizen.}