Ilawom sa imong mga problema
Usa ka adlaw niana si Santa Teresita sa Batang Jesus ang nipahinumdom sa iyang igsuon nga problemado niadtong panahona nga diha sa pag-atubang sa mga problema, di sa tanang higayon nga imong hasunghasungon ang babag. Hinunoa, imo kining lutsan pinaagi sa pag-agi sa bisan unsang gamay nga agianan. Ug mahimo lamang kini kun imong angkunon ang imong kagamay atubangan sa maong problema. Diha sa pag-angkon sa imong kaubos ikaw matabangan diha sa pagsagubang sa bisan unsang problema. Dili nato mahimo ang tanan kun magsalig lang kita sa atong katakus. Hinunoa, kinahanglang mohimo kita sa pagsandig sa labaw nga kusog nga maoy nagdala kanato sa atong gipangitang katagbawan.
- Latest