Tungod kay dunay tumong

Matag pangulo mahinungdanon kaayo nga dunay karisma apan mag-unsa man ang karisma kun di ka maantigong mopadayag sa tumong kun nganong kinahanglang dumalahon mo ang usa ka pundok. Hapit na ang piniliay. Daghan ang mga pangutana nga angayan natong tubagon. Apan mao kini ang angayan natong hunahunaon nga ang tinud-anay nga pangulo mao ang pangulo nga dunay tumong sa kinabuhi ug maantigong maghatag og tumong ug giya sa mga sumosunod niya. Bahala na og hinay ang mahinungdanon mao nga dunay igong padulngan aron sa ingon dili mamahimong mawalay pulos ang matag paningkamot.