Ang lana sa lubi (2)

Nahisgutan nato sa niagi'ng lindog, kun unsa'y dakung kapuslanan sa lana sa lubi. Unya, duga'ng kasayuran ini, gigamit na diay kini'ng bililho'ng sangkap o 'ingredients' sa mga produkto sama sa tambal, pinulbos nga gatas, 'energy drinks', 'preservatives' ug uban pa. Nga gitago lang sa termino sa label nga MCT (Medium Chain Triglecerides), nga mao ang lana sa lubi o ang 'virgin coco oil'.

Gani, ang usa ka inahan sa South Africa, nga nataptan sa HIV, gitugotan ang mga masuso nila, nga paimnon sa VCO o lana sa lubi, aron dili matakdan ang bata sa inahan nga nataptan ini'ng sakita. Bisan mismo si Dr. C. Dayrit, sa San Lasaro Hospital, iya kini'ng giaplay sa pagpainom sa mga nagpositibo sa SARS virus dinhi sa Filipinas, niadto'ng tuig gikan 1999-2000. Mao nga wa kaayo ni kaugpo dinhi sa ato, bisa'g nikuyanap ni didto sa China ug sa uba'ng kanasoran.

Kay ang 'monolaurin' nga anaa sa 'virgin coco oil', matud ni Dr. Dayrit, maoy responsable sa pagkontrol sa duha ka sakit nga giisip nga makalilisa'ng niatake sa atong panahon. Hinuon, bisan sa positibong pamatuod ini'ng milagroso'ng VCO o lana sa lubi, ang uban nagpabili'ng nagduhaduha sa paggamit ini.

Kay mao'y nasilsil ang karaa'ng pagtuo, nga basta 'saturated fats', sama sa VCO, makapataas sa kolesterol. Ang uban sab, naniid pa kun unsa gyud ni kaepektibo.

Ning higayona, ang atong mga sayantipiko o mga eksperto, padayon sa ilang pagdiskubre sa duga'ng mahatag nga mga benepisyo alang sa kahimsog sa panglawas. Moabot ang panahon, kun kaamggo'ng hugopan na's kadaghanan, ang kabilihon sa VCO o lana sa lubi, magnihit na sab kini sa mga merkado.

Busa alang niadto'ng aduna'y patag o kabukiran, diin sagad mga tuod na ang mga punoan sa lubi'ng di na kahata'g bunga, aron unta kapuslan. Atong agnihon ang kaugalingon sa pagtanom ini, nga mapaigo sa umaabot nato'ng henerasyon.