Moatse kun magseks

Sagad sa atong nahibaloan, basta maka-atse ta, ang buot ipasabot niini gisubawan ta unya masip-onon. Kay may nahingos nga abog o baho nga nairita ang atong ilong tungod sa ‘allergenic chemical compound’, nga signal o deteksyon kini gikan sa atong imyun nga dunay dili makaayo sa panglawas.

Apan adunay laing klase kini nga sa hunahuna pa lang sa seks, makaatse na. Kini ang ginganlan sumala sa sayantipiko nga termino ‘psychosomatic’ o ‘sexual sneezing’.  Hinoon kaniadto pa sa 1884, duna nay gikareport nga sama aning talagsaong kinaiya o behavior sa pagseks, nga di tuyoon moatse gyud.

Maayo na lang gani kay moatse-atse lang nga makauulaw na, apan unsa pa kaha kun motiyabaw pa kun magseks sama sa iring? Haskang gubota tingali sa palibot. Dunay pipila sa mga tigsunod sa lindog nato, nga nagsaysay sa iyang kahimtang kun dili ba kini senyales nga duna siyay  gihambin nga sakit. Dunay uban, dili lang tuyoon makaatse gayud kun maghunahuna na sa pagseks.Timailhan kini nga moatse na gani signal ning giganahan na (arousal) ug bation na gani’g kalalim (orgasm) mosamot ang atse.  Hinoon dili kini managsama ang pag-atse (sex sneeze), adunay uban anha na mag-atse-atse kun aktuwal na magseks. Naa say uban unya na atsehon kun magawsan na.

Matud ni Dr. Mahmood Bhutta (EENT Surgeon Specialist) sa iyang opinion, uban sa iyang grupo nga midaklit sa pagtuon niining kasoha, wa kaayo madetalye ang hinungdan niini basta segun sa pagbana-bana nila, kini nakaapektar sa ‘sub-conscious nervous system’ gumikan sa ‘nasal reflex neurosis’.