Kinsay bugo?

Matud pa niining newsclipping nga atong nadawat gikan sa usa ka magbabasa sa The Freeman ang igsoong mantalaan sa Banat News, ang tawo nga mubo og pangutok -- kon sa Iningles pa dumb o stupid - mas madugay mamatay kay sa tawo nga hataas og IQ kon Intelligence Quotient.

* * *

Kini maoy resulta sa pagtuon sa mga sayantista sa University of Trondheim didto sa Norway. Suma pa ni Dr. Erling Drivdal, pangulo sa pundok sa mga sayantista, ang life expectancy o kinabuhi sa bugo nga tawo mas taas kay sa kinabuhi sa utokan kun manggilamon.

Ang tawo kuno nga dunay IQ nga 100 mas madugay mamatay kay sa tawo nga dunay IQ nga 160. Ang maong bugo nga tawo motaas ang kinabuhi og 12 ngadto sa 15 ka tuig.

* * *

Ang pagtuon ni Dr. Dridval milangkob og 6,200 ka tawo didto sa Scandinavia of Estados Unidos sa America.

Matud pa ni Dr. Dridval sila mismong mga nalambigit sa pagtuon nakugang sa resulta sa ilang gihimong research sa pangutok sa ilang gi-research nga mga 6,200 ka tawo.

Nagdahum kuno sila nga mas hataas og kinabuhi ang mga brayit kun manggialamon. Nakapangawot sila sa ilang mga ulo dihang nigawas nga mas hataas ang kinabuhi sa mga dumb and stupid people.

* * *

Pero daghan ang dili motuo niining finding sa mga sayantista sa Norway. Ngano kuno nga dugay man namatay si Einstein nga labing utokan nga tawo.

Busa ayaw kaguol kun taas ka og IQ. Angay kang malipay ug manghambug. Hehe.

* * *

TRIVIA. Salamat nila ni Mart ug Girlie sa ilang pahalipay kay duna na kunoy website ang Banat News. Actually nakisakay ra ta sa website sa Philippine Star (kauban ta sa Star Group) nga mao ni: “www.philstar.com”