Ang pinakakutas nga panaw matud pa dili nato masinati diha sa gilay-on sa atong gilaktan.
Hinunoa ang pinakakutas nga panaw ang mahitabo diha sa atong panaw gikan sa atong ulo ngadto na sa atong kasingkasing. Kini tungod kay ang usahay malisud kaayo nato palugdangon ngadto sa pagbati ang bisan unsa nga anaa sa atong hunahuna.
Gikinahanglang mamahimong balanse ang tanan aron sa ingon mamahimong managkuyog ang teoriya, pagbati ingon man ang atong tagsa-tagsa ka mga kasinatian.