Sa pamilya sa mga politiko nga gamhanan ug popular ug may mga anak nga nakasunod sa ilang tunob anugonan sila kun di makahupot og susama o kaha labaw pa kanila nga gahum ang ilang mga anak.
Sama ra sa mga kabus nga ginikanan kansang kagikan wa makatunob og eskuylahan ug dihang nanganak way laing gipangandoy kundi nga ang ilang mga anak makatungtong og eskuylahan ug molampos og kurso aron di mahisama kanila nga nahikawan sa edukasyon.
Dan kun ang mga ginikanan nga ingon niini nakakab-ot sa maong hunahuna, daw unsa pa kaha ang mga politiko nga beterano nga di mangandoy nga mahisama o molabaw pa kanila og maabot ang ilang mga anak.
Busa di man tingale dautan kun ang usa ka amahan nga senador kansang anak angayan may abilidad nga sama kaniya nga itugpo niya sa susama niyang nakab-ot nga katungdanan
Ang atong nasud mitahud sa balaod sa demokrasya, busa ang kaliwat nga di angay hatagan og pagsalig sa katawhan nga mahimong lider sa katilingban mao kadtong mga anak og politikong tulisan, kawatan sa buhis sa katawhan, kriminal ug drug dealer.
Kay di angayang pasanayon ang kaliwat nga maoy mounlod sa kaalaotan sa mga Filipino.
Apan sa pamilya kansang damgo mao ang kaayohan sa nasud ug sa mga Filipino, nganong di man sila hatagan og higayon aron manguna sa pagpalambo sa atong nasud.