Usa sa mga tema sa mga horror movies ang kalabut sa haunted houses.
Matud pa nga ang mga negative vibrations sa daghang mga panimalay sa tibouk kalibutan ang nakadapit og igong pagtagad sa mga Elemental Spirits, mga Kondenado ug Kondenadang Kalag, o dili ba kaha ang pinakakuyaw mao mismo ang Demonyo nga mibuot nga mopuyo sa maong dapit o lokasyon. Kini maoy makapahimos sa usa ka balay o dapit nga haunted.
Kun ang mga salida mohulagway sa usa ka haunted houses ingon nga karaan na kaayong Balay ug walay atiman murag sama sa kastilyo ni Count Dracula, mahimo nga mga modernong balay o dapit ang mahitaboan usab sa ingon.
Apan ang pangutana unsaon man nato pagkasayod nga ang usa ka balay maisip natong haunted? Unsa man ang mga timailhan?Sanglit bugtong mga santos lamang o dili kaha mga tawong nakahupot sa Sixth Sense kon ikaunom nga Sentido ang nasayud niini. Ang mga Spiritual Researchers ang milista og pipila ka mga timailhan sa usa ka haunted houses.
Atong timan-an nga dunay mga timailhan nga simple apan sa laing bahin dunay mga timailhan nga komplikado ug daghan. Gikan sa magkawala ug makit-ang mga butang ngadto na sa madunggang mga katawa o dili ba kaha mga Aparisyon. Ang mga Spiritual Researchers ang nihatag kanato ning mosunod nga mga lista sa mga timailhan: