Puasa

Usa sa mga nag unang balansayon sa kuwaresma mao gyud ang puasa. Kay unsay naa sa puasa? Gawas nga kini makatabang aron mamahimong himsog ang panlawas, kay makatabang man pud aron malimpyo ang lawas, gikan sa bisan unsang toxic kini usab adunay kalambigitan sa espirituhanong paglambo usab.

Ang puasa usa ka paagi sa pagdisiplina sa kaugalingon dili lang sa pagkaon kun dili usab sa pagpanton sa atong mga galamhan. Ang konkretong implikasyon sa puasa mao nga dili nimo kan-on ang imong bahin sa pagkaon sanglit ang tagana alang kanimo ang gigamit mo alang sa uban nga mas nagkinahanglan pa kay kanimo.

Ang nagdumili pagkaon aron tagoan ang pagkaon alang sa kaugalingon lamang, ang wala magpuasa kun dili nagtinihik lamang mao nga maayo nga anaron mo ang kaugalingon sa maong disiplina dili lang sa kuwaresma kun dili sa tanang adlaw sa imong kinabuhi.